हरिः ओम्

Sloka Text in Telugu , Kannada, Gujarati, Devanagari, English

સુન્દરકાણ્ડ્
અથ એકવિંશસ્સર્ગઃ

તસ્ય તદ્વચનં શ્રુત્વા સીતા રૌદ્રસ્ય રક્ષસઃ|
અર્તા દીનસ્વરા દીનં પ્રત્યુવાચ શનૈર્વચઃ||1||

દુઃખાર્તા રુદતી સીતા વેપમાના તપસ્વિની|
ચિન્તયન્તી વરારોહા પતિં એવ પતિવ્રતઃ||2||

તૃણમન્તરઃ કૃત્વા પ્રત્યુવાચ શુચિસ્મિતા|
નિવર્તય મનો મત્તઃ સ્વજને ક્રિયતાં મનઃ||3||

નમાં પ્રાર્થયિતું યુક્તં સુસિદ્ધમિવ પાપકૃત્|
અકાર્યં ન મયા કાર્યં એકપત્ન્યા વિગર્હિતમ્||4||

કુલં સંપ્રાપ્તયા પુણ્યં કુલે મહતિ જાતયા|
એવમુક્ત્વા તુ વૈદેહી રાવણં તં યશસ્વિની||5||

રાક્ષસં પૃષ્ઠતઃ કૃત્વા ભૂયો વચનમબ્રવીત્|
નાહ મૌપયિકી ભાર્યા પરભાર્યા સતી તવ||6||

સાધુ ધર્મમવેક્ષસ્વ સાધુ સાધુ વ્રતં ચર|
યથા તવ તથાઽન્યેષાં દારા રક્ષ્યા નિશાચર||7||

આત્માનમુપમાં કૃત્વા સ્વેષુદારેષુ રમ્યતાં|
અતુષ્ટં સ્વેષુ દારેષુ ચપલં ચલિતેન્દ્રિયઃ||8||

નયન્તિ નિકૃતિ પ્રજ્ઞં પરદારાઃ પરાભવમ્|
ઇહા સન્તો ન વા સન્તિ સતો વા નાનુવર્તસે||9||

તથા હિ વિપરીતા બુદ્ધિ રાચારવર્જિતા|
વચો મિથ્યા પ્રણીતાત્મા પથ્ય મુક્તં વિચક્ષણૈઃ||10||

રાક્ષસાનામભાવાય ત્વં વા ન પ્રતિપદ્યસે|
અકૃતાત્માન માસાદ્ય રાજાનમનયેરતમ્||11||

સમૃદ્ધાનિ વિનશ્યન્તિ રાષ્ટ્રાણિ નગરાણિ ચ|
તથેયં ત્વાં સમાસાદ્ય લઙ્કારત્નૌઘ સંકુલા||12||

અપરાધાત્તવૈકસ્ય ન ચિરા દ્વિનશિષ્યતિ|
સ્વકૃતૈર્હન્યમાનસ્ય રાવણા દીર્ઘદર્શિનઃ||13||

અભિનન્દન્તિ ભૂતાનિ વિનાશે પાપકર્મણઃ|
એવં ત્વાં પાપકર્માણં વક્ષ્યન્તિ નિકૃતા જનાઃ||14||

દિષ્ટ્યૈતત્ વ્યસનં પ્રાપ્તો રૌદ્ર ઇત્યેવ હર્ષિતાઃ |
શક્યા લોભયિતું નાહમ્ ઐશ્વર્યેણ ધનેન વા||15||

અનન્યા રાઘવેણાહં ભાસ્કરેણ પ્રભા યથા|
ઉપધાય ભુજં તસ્ય લોકનાથસ્ય સત્કૃતમ્||16||

કથં નામોપધાસ્યામિ ભુજમન્યસ્ય કસ્યચિત્|
અહ મૌપયિકી ભાર્યા તસ્યૈવ વસુધાપતેઃ||17||

વ્રતસ્નાતસ્ય ધીરસ્ય વિદ્યેવ વિદિતાત્મનઃ|
સાધુ રાવણ રામેણ માં સમાનય દુઃખિતામ્||18||

વને વાશિતયા સાર્થં કરેણ્વેવ ગજાધિપમ્|
મિત્રમૌપયિકં કર્તું રામઃ સ્થાનં પરીપ્સતા||19||

વધં ચાનિચ્છતા ઘોરં ત્વયાઽસૌ પુરુષર્ષભઃ|
વિદિતઃ સ હિ ધર્મજ્ઞઃ શરણાગતવત્સલમ્||20||

તેન મૈત્રી ભવતુ તે યદિ જીવિતુ મિચ્છસિ|
પ્રસાદયસ્વ ત્વં ચૈનં શરણાગતવત્સલમ્||21||

માં ચાસ્મૈ પ્રયતો ભૂત્વા નિર્યાતયિતુમર્હસિ|
એવં હિ તે ભવેત્સ્વસ્તિ સંપ્રદાય રઘૂત્તમે||22||

અન્યથા ત્વં હિ કુર્વાણો વધં પ્રાપ્સ્યસિ રાવણ|
વર્જયેત્ વજ્ર મુત્સૃષ્ટં વર્જયે દન્તકશ્ચિરમ્||23||

તદ્વિધં તુ ન સંક્રુદ્ધો લોકનાથઃ સ રાઘવઃ|
રામસ્ય ધનુષશ્શબ્દં શ્રોષ્યસિ ત્વં મહાસ્વનમ્||24||

શતક્રતુવિસૃષ્ટસ્ય નિર્ઘોષમશનેરિવ|
ઇહ શીઘ્રં સુપર્વાણો જ્વલિતાસ્ય ઇવોરગાઃ||25||

ઇષવો નિપતિષ્યન્તિ રામલક્ષ્મણ લક્ષણાઃ|
રક્ષાંસિ પરિનિઘ્નન્તઃ પુર્યામસ્યાં સમન્તતઃ||26||

અસંપાતં કરિષ્યન્તિ પતન્તઃ કઙ્કવાસસઃ|
રાક્ષસેંદ્ર મહાસર્પાન્ સ રામગરુડો યથા||27||

ઉદ્ધરિષ્યતિ વેગેન વૈનતેય ઇવોરગાન્|
અપનેષ્વતિ માં ભર્તા ત્વત્તઃ શીઘ્રમરિન્દમઃ||28||

અસુરેભ્યઃ શ્રિયં દીપ્તાં વિષ્ણુસ્ત્રિભિરિવ ક્રમૈઃ|
જનસ્થાને હતસ્થાને નિહતે રક્ષસાં બલે||29||

અશક્તેન ત્વયા રક્ષઃ કૃત મેતદસાધુ વૈ |
આશ્રમં તુ તયોઃ શૂન્યં પ્રવિશ્ય નરસિંહયોઃ||30||

ગોચરં ગતયોર્ભ્રાત્રોઃ અપનીતા ત્વયાઽધમા|
નહિ ગ્રન્ધમુપાઘ્રાય રામલક્ષ્મણયોસ્ત્વયા||31||

શક્યં સંદર્શને સ્થાતુમ્ શુના શાર્દૂલયોરિવ|
તસ્ય તે વિગ્રહે તાભ્યાં યુગ ગ્રહણ મસ્થિરમ્||32||

વૃત્રસ્યેવેન્દ્રબાહૂભ્યાં બાહોરેકસ્ય નિગ્રહઃ|
ક્ષિપ્રં તવ સનાથો મે રામ સ્સૌમિત્રિણા સહ|
તોયમલ્પમિવાદિત્યઃ પ્રાણાનાદાસ્યતે શરૈઃ|33||

ગિરિં કુબેરસ્ય ગતોઽપધાય વા
સભાં ગતો વા વરુણસ્ય રાજ્ઞઃ |
અસંશયં દાશરથેર્નમોક્ષ્યસે
મહાદ્રુમઃ કાલહતોઽશનેરિવ||34||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુન્દરકાણ્ડે એકવિંશસ્સર્ગઃ||

||ઓમ્ તત્ સત્||

|| Om tat sat ||